Колледж студенттеріне 2020-2021 оқу жылында 145 орындық жатақхана қолдауға берілді. «ЖК Хайрекешов» демеушілігі мен салынған жатақханада ауылдық жерден және өзге облыстардан келіп оқитын студенттер тұрады.
Биылғы жылы қашықтан оқыту жағдайына байланысты 1 курс білім алушылары орналасқан.
Студенттерге жатақханада барлық жағдайлар қарастырылған. Бөлмелері жарық, жылы, кең. Үшқабатты ғимаратта студенттердің тәртібін, тазалығын бақылау мақсатында бейнебақылау камералары орналастырылған. Әр бөлмеде 3-4 студенттен орналастырылған. Әжетхана, жуыну бөлмелері әр бөлмеде бар. Әр қабатта ас үй жабдықталған және монша жатақхана ішінде жасақталған.
Студенттерге ақпарат бұрышы жабдықталған. Ғаламтор желісі тегін әрі қолжетімді. Жатақхана студенттері оқу ғимаратындағы іс-шаралар мен үйірме-секцияларға белсене қатысады.
