Мемлекеттік қызметтерді алу барысында заңсыз іс-әрекеттер фактілері болған жағдайда Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментіне мына мекенжайы бойынша Орал қаласы Н.Назарбаев даңғылы 201 3- қабат 309 бөлмеге шағымдану немесе 504118 номері арқылы жолығуға құқылысыз.
Медбике ісі мамандығы- денсаулық сақтау саласының сұранысқа ие мамандықтарының бірі. ЖШС "Батыс Қазақастан жоғары медициналық колледжі" талапкерлерге аталған мамандық бойынша білім алу мүмкіндігін ұсынады.
Қазіргі уақытта жаңа механизмді енгізу мақсатында «Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» Қазақстан Республикасы Білім және ғылым министрінің 2018 жылғы 18 қазандағы № 578 бұйрығына тиісті өзгерістер енгізілді.
Маусым айының 4 күні "Кәсіби бағдар беру жұмыс тобы" қалалық және аудандық мектеп түлектеріне және ата-аналарына Инстаграм парақшасында сұрақ-жауап форматында Тікелей эфир өткізді. Қабылдау комиссиясының мүшесі Г.И.Алмагамбетова және қабылдау комиссиясының хатшысы А.К.Жапакова қабылдау ережелері, мамандықтардың ерекшеліктері және т.б сұрақтарға жауап берді.
Мейіргер емдеу-профилактикалық мекемелерінде, мектептердегі медициналық кабинеттерде медициналық тағайындауларды орындап, сонымен қатар аурулардың алдын алу шараларын іске асыру жұмыстарын атқару үшін даярланады.
Мамандық таңдау - балаға да, ата-анаға да, ұстаздар қауымына да үлкен жауапкершілік жүктейді. Бүгінгі таңда медициналық мамандықтарға сұраныс артып, халықтың денсаулықты күтуге, аурудың алдын-алуға деген көзқарасы түбегейлі өзгерді деуге болады.
Мектеп түлектеріне мамандық таңдауға және орта буынды медицина мамандарына өз білімдерін үздіксіз жетілдіру: қолданбалы бакалавр, академиялық бакалавр, магистратуралық білім деңгейінде үздіксіз даму траекториясы бойынша бағыт-бағдар беру, қабылдаудың жаңа ережелері мен таныстыру мақсатында кәсіби бағдар беру тобы санитарлық талаптарды сақтай отырып аудан орталықтарында мектеп бітіруші түлектері мен ата-аналарға, емхана, аурухананың медбикелеріне түсіндіру, бағдарлау жұмыстарын жүргізуде.
Мамыр айының 19-20 сы күндері «Кәсіби бағдар беру жұмыс тобы» оқытушылары Бердиева Гүлзар Қосаманқызы, Набигалиева Махаббат Даулеткалиевна және колледж әдіскері Жапакова Алмагүл Қазболатовнаның ұйымдастыруымен облысымыздың Бөрлі ауданының барлық мектеп түлектеріне Батыс Қазақстан Жоғары медициналық колледжінің мамандықтары туралы ақпарат берілді.
"Мейіргер ісінің қолданбалы бакалавры" мамандығына оқуға түсуге шақырамыз!!!
Медицина саласының екпінді ырғақта дамуына байланысты орта білімді медициналық қызметкерлерді қолданбалы бакалавр мамандығына оқуға шақырамыз. 2021-2022 оқу жылына мемлекеттік тапсырыс бойынша 25 орын және ақылы топтарға 75 орын қарастырылған.
